شريحة واسعة في #السويداء تؤيد فكرة “البدل الداخلي” .. ولكن ؟!

أيدت شريحة واسعة في محافظة السويداء فكرة “البدل الداخلي” للخدمة الإلزامية بما يتناسب مع اقتصاد المواطن، معتبرة الفكرة تمثل أحد حلول قضية التخلف عن الخدمة، في استطلاع للرأي على موقع السويداء 24.


وطرحت السويداء 24 استطلاع حول فكرة “إقرار بدل داخلي يتناسب مع دخل المواطن” اقترحها أحد الحاضرين خلال اجتماع مع القيادة القطرية لحزب البعث في دمشق ناقش أوضاع محافظة السويداء مطلع الشهر الحالي.
صوت على الاستطلاع الذي كان مدته يوم واحد 3206 متابع، أيدت الأغلبية الساحقة منهم فكرة البدل الداخلي بنسبة 84% ومعدل 2706 صوت، مقابل 500 صوت رفضوا الفكرة بنسبة 16%.
ورصدت السويداء 24 جانب من تعليقات المتابعين بين مؤيد للفكرة ورافض لها، وأخرين اقترحوا حلول مختلفة للقضية اعتبروا أنها تحل مشكلة التخلف عن الخدمة ومعاناة الشباب في ظل الأوضاع الاقتصادية السيئة.
“ح،ح”: برأيي نقتدي بجميع الدول المحترمة ،يعني نلغي الخدمة الإلزامية من جذورها ، ونعمل جيش محترم بعناصر مدربة ومحترمة ومحترفة، أما اللي عبيصير هلق من خدمة او دفع بدل او احتياط عبارة عن ابتزاز وقح للمواطن بحياتو وبمالو وبطموحاتو وباستقرارو.
“ح،م”طبعا لا. لان مش معقول يصير الجيش..جيش الفقراء المعثرين الي ماقدرتن يدفعو البدل ليخدمو ويحمو الاغنياء والمترفين الي دفعو البدل وطبعا هالكلام بغض النظر عن الشباب الي عم تشقى بالغربة لدفع البدل
“ع،ح”: لو بتعملوا استطلاع بزيادة راتب العسكري هيك بيصير يروح يخدم من قلب ورب وبدون تردد بس تعودوا دائما ياخذوا ومايعطوا لايمتا بدكن تظلوا تمصوا من دم هالشبيبة اللي يادوب عبلاقوا شغلة تسترن هذا اذا ماهاجروا بالفعل بلد بتحب مصلحة شعبها هزززززلت
“ر،ه”: اكيد لازم يكون في بدل يتناسب مع دخل المواطنين ولا يكون عجز عليهم مع تحديد مدة الخدمة الإلزامية و الاحتياطية ويفضل أن يكون الجيش تطوعيا بتدريب عالي ورواتب عاليه لتكون الكفائة بالمقابل عاليه والجميع بحبو الوطن لكن خلي العسكري السوري يكون قدوة لكل جيوش العالم العربي لانه هو من يدافع عن كرامة العروبة بين العرب.
مضيفاً “مثال صغير على ذلك الجيش اللبناني يوجد لديه كفاءة وبالمقابل رواتب الجيش هي الأعلى ونظام الجيش تطوعيا والقصد من هذا الأمر هو حصر الكفائات بتدريب مميز وعالي وسوف يكون الإقبال على ذالك جديد جدا بالطبع”.
“ا،أ”: تحديد الخدمة رفع رواتب قانون لدفع بدل داخلي اختياري تطوع برواتب عالية مئة ألف مقاتل مدربين أحسن من جيش كبير.
“س،ج”: والله هل حكي تضيع وقت ع لفاضي مافي نتيجة كنو دفع بدل لواحد مو خلصان وكنو خدم كمان موخلصان تذا دفع بدل رح يعوف حالو ما رح يصل معو ياكل واذا راح ليخدم بدو يضل كل عمرو بل جيش يعني نحنا ام نضيع وقتنا هيك.
“ش،م”: الافضل يلتغى قانون خدمة العلم الاجباري بما انو مو موجود بولا دولة بالعالم غير عنا ويصير الجيش تطويع وخدمة دائمة اقل شي منسكر باب سرقة تعب الشباب الي بتضطر تسافر خمس سنين بس لتدفعن للدولة يعني عملياً ما عم يقدر الواحد يبلش يأسس لحياتو قبل سن ال28.
لكن الأمين القطري لحزب البعث “هلال هلال” رفض مقترح البدل الداخلي خلال اجتماع دمشق بشكل حاد، وذكر أن الجيش السوري بأوج الانتصارات ويستطيع الوصول إلى أي منطقة يريد داخل سوريا حسب وصفه.
ما رأيك ؟